বিশ টেখি মাল
রফিক উদ্দিন লস্কর
গাঁওর বেটিন বিয়ান অইলে
টাউনর অবায় যাইন,
হরেক মালর দোকান আইছে
বিশ টেখায় পাইন।।
দুই জাল মিলিয়া একদিন
টাউনও মাদানে গেছইন,
ছাকনি বাটি খরাই বদনা
এক আটা লইছইন।
ইতা দেখিয়া লাগা বাড়ির
হকল বেটিন জমছইন,
মাল দেখিয়া তারিফ কররা
অলা হস্তায় পাইছইন।
বাদর দিন পূবর বাড়ির
মিলিয়া তিন ভাবী,
টুকটুকি এখান রিজার্ভ করি
লইছইন আবিজাবি।
এক বেটিয়ে কইতরা হিদিন
আমিও টাউনও যাইতাম,
ডিম বেচিয়া টেখা জমাইছি
হরেক মাল লইতাম।
রচনাকাল: ১১ আগস্ট ২০২৫ ইং, ২২:৫৮মি. কাটলিছড়া-হাইলাকান্দি।
কোন মন্তব্য নেই:
একটি মন্তব্য পোস্ট করুন